Sekretari amerikan i Shtetit, Antony Blinken ka pritur në takim Presidenten Vjosa Osmani dhe kryeministrin Albin Kurti.
Në një adresim para mediave pas takimit, kryeministri Kurti e ka vlerësuar lartë takimin me Sekretarin amerikan të Shtetit.
“Takimi që patëm me Blinkenin ishte i përzemërt dhe i dobishëm me çrast treguam që Kosova është rrëfim suksesi i dyfishtë. Së pari rrëfim i një suksesi të ndërhyrjes së NATO-s dhe së dyti formimi i një demokracie cilësore”.
Kurti thotë se nga Amerika kërkuan mbështetje në disa fusha përfshirë ekonominë dhe mbrojtjen.
“Kërkuam nga Sekretari Blinken shtimin e ndihmës ushtarake dhe investimeve amerikane. Kosova e ka rritur buxhetin e mbrojtjes”, deklaroi Kurti./Telegrafi/
