Paulo Dybala është shumë pranë Interit dhe për këtë është i bindur edhe Francesco Totti, i cili u përpoq ta bindte argjentinasin të kalonte te Roma. Legjenda italiane, i ngacmuar nëse Zanetti u tregua më i zoti për ta bindur të kalonte tek Interi, tha:
“Nuk dua të flas shumë në lidhje më këtë argument, edhe sepse unë di si shkuan gjërat. Tani mendoj se çështja e transferimit të Dybalas te Roma është mbyllur.
Megjithatë nëse do të varej vetëm nga futbollisti mund të kishte një tjetër përfundim. Por, dua ta lej me kaq sepse më duket se fola pak më tepër seç duhej”– tha ai.
