Autoritetet egjiptiane suspenduan prezantuesen e cila gjatë programit të drejtpërdrejtë presidentin e rrëzuar egjiptian Mohamed Morsi e ka quajtur “zotëri presidenti”, transmeton Anadolu Agency (AA).
Informacionin për suspendimin e prezantueses Mona Shukri e konfirmoi kreu i programit të lajmeve të televizionit egjiptian Khaled Mehann.
Shukri lexonte lajmin për verdiktin me të cilin gjykata egjiptiane të shtunën ka konfirmuar dënimin prej 20 vite kundër Morsit nën akuzën e dhunës dhe përleshjeve vdekjeprurëse para pallatit presidencial Ittihadiya në lindje të Kajros në vitin 2012.
Verdikti i së shtunës është përfundimtar dhe nuk mund të apelohet, por mund të hiqet me falje të Presidentit.
Morsi është presidenti i parë i zgjedhur në mënyrë demokratike i Egjiptit, dhe u rrëzua me grusht ushtarak në vitin 2013, që pasoi pas protestave kundër tij. Morsi si president qëndroi vetëm një vit.
