Me një pankartë ku shkruan “Evropë, ku është drejtësia?”, iniciativa “Liria ka Emër” ka zhvilluar një aksion para Zyrës së Bashkimit Evropian në Prishtinë, pas shpalljes së aktgjykimit ndaj ish-presidentit Hashim Thaçi në Hagë.
Në pankartën e vendosur pranë hyrjes së objektit është paraqitur një krahasim ndërmjet dënimit të ish-presidentit të Serbisë, Vojislav Sheshel, dhe atij të Hashim Thaçit.
Organizatorët kanë vendosur përballë njëri-tjetrit emrat e Sheshelit dhe Thaçit, duke ngritur pyetje për drejtësinë ndërkombëtare dhe mënyrën e trajtimit të rasteve gjyqësore.
Në pjesën e poshtme të pankartës janë përfshirë edhe të dhëna për viktimat dhe pasojat e luftës në Kosovë.
Siç shihet, gjatë aksionit kanë qenë të pranishëm pjesëtarë të Policisë së Kosovës, ndërsa pankarta është vendosur në rrethojën e objektit të BE-së.
Aksioni është zhvilluar në ditën kur Dhomat e Specializuara të Kosovës në Hagë shpallën aktgjykimin në rastin “Thaçi 2”, që lidhet me akuzat për pengim të administrimit të drejtësisë.
Hashim Thaçi u dënua me 17 muaj burgim, Bashkim Smakaj dhe Fadil Fazliu me ka 12 muaj, Hajredin Kuqi me 1 muaj, kurse Isni Kilaj u shpall i pafajshëm.










