Një anomali në Facebook, në harkun kohor të disa orëve, ka shpallur të vdekur dje , miliona përdorues të rrjetit social, duke përfshirë këtu edhe themeluesin e tij, Mark Zuckerberg.
Përdoruesve të profileve u është shfaqur një ”baner memorial” në krye të faqes, që fton përdoruesit e tjerë për të kujtuar jetët e tyre.
“Ky ishte një gabim i tmerrshëm, të cilin ne tashmë e kemi rregulluar”, tha një zëdhënës i Facebook-ut.
Shkaku i virusit nuk dihet dhe ende nuk është e qartë se sa prej 1,8 miliardë përdoruesve të Facebook-ut janë prekur.
Facebook lejon përdoruesit që të kthejnë profilet e tyre në një faqe përkujtimore, ku përdoruesit e tjerë mund të postojnë homazhe. /albeu.com/
