Dokumente rreptësisht konfidenciale të Ministrisë së Mbrojtjes së Britanisë së Madhe u gjetën në stacionin e autobusëve në qarkun anglez të Kent. Dokumentet përmbanin detaje rreth shkatërruesit “HMS Defender” dhe ushtrisë britanike, transmeton InfoShqip.
Gazetat “shpërthyese” u gjetën në një grumbull të lagur në Kent të martën, një ditë para se anija “Defender” të përfshihej në incidentin me anijet ruse në Detin e Zi, raportoi sot gazeta “San”.
Shkruar në 50 faqe, dokumentet zbulojnë se reagimi i Rusisë ndaj kalimit të shkatërruesit pranë Krimesë pritej të Mërkurën.
Një faqe tjetër zbulon planet për të vazhduar praninë ushtarake në Afganistan, pavarësisht tërheqjes së trupave të NATO-s, sipas BBC. Një zëdhënës i Ministrisë së Mbrojtjes tha se një anëtar i stafit raportoi humbjen e dokumenteve të klasifikuara. Qeveria ka nisur një hetim për incidentin, shkruan “San”./InfoShqip.com
