Nuk ka pakicë bullgare në Shqipëri, por maqedonasit atje thonë qartë se është thjesht propagandë e Sofjes për t’i paraqitur si të tillë. Ky është qëndrimi kategorik i Nikolla Gjurgjajt, kryetar i shoqërisë maqedonase “Ilinden” në Tiranë dhe kryeredaktor i gazetës maqedonase “Ilinden”, transmeton InfoShqip.
Sipas tij, tentimet për ta portretizuar pakicën maqedonase si bullgare kanë disa vite që janë duke u intensifikuar në pritje të regjistrimit të popullsisë në Shqipëri.
“Propaganda bullgare është shtuar në pritje të regjistrimit të popullsisë në Shqipëri që do të bëhet në tetor dhe po përpiqen me të gjitha mjetet të krijojnë një lloj minoriteti bullgar që nuk ekziston. Nuk ka pakicë bullgare në zonat e Gollobërdës, Mala Prespës, Gorës dhe gjithë Vrbnikut. U ofrojnë atyre pasaporta, bursa, vizita në Bullgari. Pas hyrjes së Bullgarisë në BE, shqiptarët marrin pasaporta bullgare për arsye ekonomike. Qëndrimi ynë është i qartë, nuk ka pakicë bullgare në Republikën e Shqipërisë, sepse nuk ka bullgarë të deklaruar në të gjitha regjistrimet në Shqipëri“, thotë Gjurxhaj.
Ai thekson se kjo nuk është dëshira e tij apo e maqedonasve në Shqipëri, por ka dokumente që vërtetojnë se në këtë vend kanë jetuar dhe jetojnë maqedonas që flasin gjuhën maqedonase./InfoShqip.com
