Ish-emisari i Shteteve të Bashkuara të Amerikës (SHBA), Richard Grenell, ka vazhduar polemikat e tij të ashpra me ata që e kritikuan për vizitën dhe deklaratat e tij në Kosovë.
Grenell i ka reaguar në Twitter gazetarit të “Vice World News”, Mitchell Prothero, Grenell ka thënë se administrata e Biden përkrah hapur marrëveshjet ekonomike mes Kosovës dhe Serbisë të ndërmjetësuara nga Trump.
“Gazetari radikal i “Vice” nuk e di që administrate Biden përkrah haptas marrëveshjet ekonomike Kosovë-Serbi të administratës së Trump”, ka thënë Grenell në postimin e tij.
Kujtojmë se vizita e Grenell në Kosovë shkaktoi reagime të ashpra edhe në SHBA. Kjo pasi që atje vizita e Grenell dhe cilësimi që më pas ish-presidenti Trump i bëri të njëjtës, u konsiderua si “diplomaci në hije”, diçka për të cilën vet Trump sipas mediave kishte kritika gjatë kohës që ishte president. Grenell në Kosovë nuk u takua me ndonjë lider shtetëror.
