Një kompani gjermane e trenave pretendoi se Greta Thunberg udhëtoi në një tren të klasit të parë, pasi aktivistja e klimës postoi një foto ku ishte ulur me çanta dhe valixhe.
Sipas mediave të huaja, përcjell Telegrafi, 16-vjeçarja publikoi fotografinë në Twitter të shtunën me titullin: “Udhëtimi në trenat e mbipopulluar nëpër Gjermani. Dhe unë jam më në fund në rrugën time për në shtëpi!”.
Kështu, Deutsche Bahn u përgjigj duke kërkuar falje dhe duke thënë se ata “do të vazhdojnë të punojnë shumë për të marrë më vënë në dispozicion më shumë trena, lidhje dhe ulëse”.
Megjithatë, sipas mediave, ata më vonë fshinë postimin – dhe në dukje, ndryshuan edhe tonin.
Ndërmarrja më pas kishte shkruar: “E dashur Greta, faleminderit që na mbështesni në luftën kundër ndryshimit të klimës. Ne ishim të kënaqur që ju ishit në ICE 74 me ne të shtunën. Dhe me 100 për qind ‘energji të gjelbër’”.
Por Deutsche Bahn nuk është ndalur me kaq: “Do të ishte më e këndshme nëse do të kishit raportuar gjithashtu se sa miqësorë dhe kompetent jeni ndjerë, pas kujdesit nga ekipi ynë në vendin tuaj në klasin e parë”.
Traveling on overcrowded trains through Germany. And I’m finally on my way home! pic.twitter.com/ssfLCPsR8o
— Greta Thunberg (@GretaThunberg) December 14, 2019
Liebe #Greta, danke, dass Du uns Eisenbahner im Kampf gegen den Klimawandel unterstützt! Wir haben uns gefreut, dass Du am Samstag mit uns im ICE 74 unterwegs warst. Und das mit 100 Prozent Ökostrom. 1/2
— Deutsche Bahn AG (@DB_Presse) December 15, 2019
Liebe #Greta, danke, dass Du uns Eisenbahner im Kampf gegen den Klimawandel unterstützt! Wir haben uns gefreut, dass Du am Samstag mit uns im ICE 74 unterwegs warst. Und das mit 100 Prozent Ökostrom. 1/2
— Deutsche Bahn AG (@DB_Presse) December 15, 2019
