Ish-kryeministri i Kosovës Ramush Haradinaj, pritet që gjatë ditës së nesërme të udhëtojë për në Hagë, ku e presin për intervistim prokurorët e Zyrës së Prokurorit të Specializuar. Lajmin e kanë konfirmuar për “Gazeta Blic” burime të afërta më shefin e dorëhequr të Qeverisë. Sipas të njëjtave burime, intervistimi i Haradinajt pritet të ndodh një ditë më vonë, saktësisht me datën 24 korrik.
“Haradinaj do të udhëtojë nesër për në Hagë, për t’u intervisutar pastaj ditën e mërkurë”, pohojnë burimet e “Gazeta Blic”.
Në po të njëjtën datë do të dalë para prokurorëve të zyrës së Prokurorit të Specializuar edhe kryetari i Këshillit Kombëtar të Nisma-s Jakup Krasniqi. Megjithatë, ai akoma nuk e ka zubluar cilësinë në të cilën është ftuar për intervistim.
