Ylli rus i MMA, Alexander Pisarev ndërroi jetë në moshën 33-vjeçare. Një tragjedi teksa luftëtari, së bashku me bashkëshorten e tij u gjetën të pandërgjegjshëm në apartamentin e tyre nga babai i sportistit.
Por, nëse bashkëshortja e Pisarev u shtrua në spital dhe është ende në një gjendje kritike, nga ana tjetër, 33-vjeçari nuk ia doli t’i mbijetonte ushqimit të helmuar dhe shkaku kryesor duket të ketë qenë një shalqi i kontaminuar në lëkurën e tij.
Babai i Pisarev theksoi se të gjithë kishin konsumuar të njëjtin ushqim pasi jetojnë së bashku megjithatë në fund ishte djali i tij që e pësoi. “U futa në apartament dhe Alexander së bashku me gruan e tij ishin duke fjetur. Por, kur u afrova, kuptova që djali im nuk merrte frymë. Kishte fraktura në gishta nga ndeshja e fundit, por asgjë serioze.
Ne konsumojmë të gjithë të njëjtin ushqim pasi jetojmë së bashku”, tha Igor, babai i luftëtarit të MMA. Në fakt, pjesëtarët e tjerë të familjes janë në një gjende optimale shëndetësore ndërsa autopsia do të zbardhë çdo hije dyshimi mbi vdekjen e 33-vjeçarit.
