Presidenti i FIFA-s, Gianni Infantino, ka reaguar në lidhje me ndarjen nga jeta të legjendës braziliane të futbollit Pele.
Përmes një mesazhi të posuar në faqen zyrtare të FIFA-s, Infantino nderon maksimalisht futbollistin dhe i shpreh ngushëllimet familjarëve dhe miqve për humbjen e njeriut të afërt.
“Kjo është dita që nuk donim të vinte kurrë – dita kur humbëm Pelen. Pele kishte një prani magnetike dhe, kur ishe me të, pjesa tjetër e botës ndalej”, tha Infantino.
“Jeta e tij është më shumë se futbolli. Ai ndryshoi perceptimet për mirë në Brazil, në Amerikën e Jugut dhe në mbarë botën.
Trashëgimia e tij është e pamundur të përmblidhet me fjalë. Familjes dhe miqve të tij, Brazilit dhe të gjithë tifozëve të futbollit që e donin aq shumë, u shpreh ngushëllimet e mia të sinqerta”, vijon Infantino.
