Isco përshëndetet zyrtarisht me Real Madridin

Isco ka konfirmuar zyrtarisht se po largohet nga Real Madridi. Kontrata e spanjollit skadon më 30 qershor dhe qysh nga janari i këtij viti ai ka qenë i lirë të gjejë klubin e tij të ri.

Përmes një postimi në rrjetet sociale, Isco bëri të ditur se i ka dhënë lamtumirën klubit madrilen.

Më poshtë mund ta lexoni letrën e mesfushorit, drejtuar klubit dhe tifozëve:

“Kur isha në Malaga dhe e dija se duhej të shkoja.

U lidha me një ekip tjetër. Por, Real Madridi trokiti në derën time dhe Real Madridit nuk mund dhe nuk duhet t’i thuhet jo, megjithëse ka gjithmonë përjashtime.

Mbaj mend që u thashë njerëzve të mi që dreqin, Madridi nuk ka fituar Ligën e Kampionëve për shumë vite dhe kam një ndjenjë se është gati të ndodhë dhe LA DECIMA (E dhjeta) erdhi, gjithçka që vjen më pas është tashmë histori.

9 vite më vonë, koha ime në klubin që më ka bërë të mundur të realizoj të gjitha ëndrrat që kisha kur isha i vogël, merr fund.

Përveç përmbushjes së ëndrrave, fitimit të më shumë titujve nga sa e kisha imagjinuar, luaja me më të mëdhenjtë, takova njerëz të jashtëzakonshëm.

Sepse pa dyshim unë e ruaj të mirën dhe shpresoj që edhe ju ta mbani!!

Dua të falënderoj shokët e mi të skuadrës, trajnerët, stafin stërvitor, terapeutët, ekipet, punëtorët në Valdebebas dhe Santiago Bernabeu për gjithë punën, dashurinë dhe mbështetjen që të gjithë kanë nevojë dhe që nuk më kanë munguar kurrë.

Dua të falënderoj edhe tifozët që më pritën në mënyrë të pabesueshme që nga dita e parë dhe që e shoqërojnë këtë ekip në çdo cep të botës!

Mirupafshim dhe Hala Madrid.”, ka shkruar lojtari. /Telegrafi/


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu