Një autobus i një agjencie në Kosovë është aksidentuar teksa po transportonte disa pensionistë drejt bregdetit të Shqipërisë.
Aksidenti ka ndodhur në rrugën Carralevë-Duhël dhe për nxjerrjen e të moshuarve nga autobusi është dashur ndërhyrja e policisë dhe zjarrfikësve.
Tre persona u lënduan nga përplasja mes autobusit dhe kamionit dhe tre të lënduarit po marrin trajtim mjekësor në emergjencën e Qendrës së Mjekësisë Familjare në Suharekë.
