Me rastin e muajit të Ramazanit, disa nga liderët politik dhe politikanë janë agjërues tradicional, që çdo vit e plotësojnë këtë obligim fetar.
Siç mëson INA, kryetari i Lëvizjes BESA, Bilall Kasami dhe kryetari i PDSH-së, Menduh Thaçi janë liderët që respektojnë me përpikëri rregullat e Ramazanit duke mos ngrënë e as pirë prej lindjes e deri në prarimin e diellit. Përveç tyre, agjëron edhe kryetari i RDK-së, Vesel Memedi.
Ndërsa sa i përket kryetarit të LR-PDSH, Ziadin Sela, ai nuk ka arritur që të agjërojë këtë vit, për shkak të terapive intensive me ilaçe që i pranon pas sulmit që përjetoi në Kuvend.
Nga BDI nuk bëjnë të ditur se a agjëron lideri i tyre, Ali Ahmeti. Ndërkohë, një numër deputetësh dhe funksionarësh të tjerë janë me Ramazan, e ndër ta më aktiv është deputeti Muhamed Zekiri, që njëherit është edhe haxhi.
Nga ministrat e rinj, siç bëhet e ditur për INA, muajin e Ramazanit e respekton Bujar Osmani, Ramiz Merko, Sadulla Duraku, Arben Taravari, si dhe një pjesë e ministrave të rinj. (INA)
