Kur lodhja bëhet tashmë një gjendje e sëmurë me të cilën duhet të përballeni në mënyrë të veçantë? Lexoni! Rastet e lodhjes nga adrenalina po bëhen gjithnjë e më të shpeshta, ndërsa mjekët ia atribuojnë kohëve të fundit veçanërisht ndikimit të coronavirusit.
Kjo lloj lodhjeje vërehet te personat që janë nën stres fizik ose mendor për një kohë të gjatë, ose që të dy ndikojnë bashkë, transmeton Telegrafi.
Simptomat përfshijnë:
▪ lodhje të zgjatur ose të tepruar që nuk largohet edhe kur flemë gjumë
▪ zgjimi i vështirë në mëngjes, por gjithashtu vështirë për të fjetur gjumë gjatë natës
▪ varësia nga stimuluesit si kafeina ose sheqeri
▪ nevoja e papritur për ushqim shumë të kripur ose shumë të ëmbël
▪ ndryshime të papritura të humorit
▪ nervozizëm të lehtë
▪ jorezistencë ndaj stresit.
Në bazë të këtyre gjendjeve qëndron efekti që stres ka në gjëndrat mbiveshkore nuk arrijnë të koordinojnë punën e tyre.
Në një gjendje stresi akut, trupi pezullon të gjitha funksionet, përveç atyre që janë thelbësore për ruajtjen e jetës, ngrënien, gjumin dhe pushimin. Gjatë kësaj kohe, kortizoli i ngritur kronikisht ka një sërë efektesh negative në shëndet – në imunitet, fertilitet, gjëndrën tiroide, traktin tretës.
Për t’u rikuperuar sa më shpejt nga këto çrregullime, është e nevojshme të filloni sa më shpejt aktivitetin fizik – është e nevojshme të ecni të paktën 20 deri në 30 minuta në ditë.
Mbështetja emocionale është e një rëndësie të madhe – vendosni një ritëm të rregullt kontaktesh me miqtë dhe të afërmit e dashur sa më shpejt të jetë e mundur.
Gjithashtu, ndihmoni organizmin me suplementet përkatëse, para së gjithash vitaminën C, e cila ndihmon në harmonizimin e punës së gjëndrave mbiveshkore.
Bimët adaptogjene janë gjithashtu të dobishme, të tilla si ginseng dhe rrënja e artë (rhodiola rosea), ndërsa rrisni marrjen e perimeve me rrënjë dhe kërpudhave nga ushqimet.
