Partia Demokratike e Kosovës, ka filluar mbledhjen e jashtëzakonshme të kryesisë së partisë. Mbledhja ka filluar në ora 22:00, teksa në zyre ka arritur edhe kryetari i partisë, Kadri Veseli. Këtë e ka konfirmuar për Gazeta Blic, zëdhënësi i PDK-së, Avni Bytyçi. “Po kemi një mbledhje të kryesisë”, ka thënë shkurt Bytyçi.
Ai nuk ka dashur që të jap hollësi tjera për shkaktarin e kësaj mbledhje në këtë orë të vonë të natës. Gazeta Blic, ka kontaktuar me deputeten e kësaj partie, Blerta Deliu, e cila ka thënë që të kontaktohet pak më vonë, për shkak se është e zënë.
“Flasim më vonë, se jam e zënë”, i ka thënë shkurt Gazetës Blic, deputetja Blerta Deliu. Gazeta Blic, ka provuar të kontaktojë edhe me zyrtarë tjerë të lartë të PDK-së, por që shumica prej tyre i kanë pasur telefonat e fikur.
