Sebatian Schweinsteiger ka lajmëruar tërheqjen e tij nga futbolli. Ish-kapiteni i përfaqësueses gjermane, i cili kohët e fundit është aktivizuar te Chicago Fire në MLS, në një postim në Instagram shkruan se ka ardhur koha të largohet.
“Lamtumira nga futbolli më dhemb, por jam i lumtur për detyrat e reja që do të më presin. Di t’i qëndroj besnik futbollit,” shkruan ish-lojtari i Bayern Munich dhe Manchester United në rrjetet sociale.
Të dielën 35-vjeçari ka luajtur ndeshjen e fundit të sezonit të rregullt në MLS duke mposhtur Orlandon me rezultatin 5-2 dhe është aktivizuar në qendër të mbrojtjes për 90 minuta.
Fire nuk do të luajë në fazën e playoff, kështu që për Schweinin ajo do të jetë sfida e fundit.
Shumicën e karrierës Schweinsteiger e ka kaluar te Bayern Munich, ku është aktivizuar 500 herë. Gjatë asaj kohe ai ka fituar tetë tituj në Bundesliga, shtatë kupa të Gjermanisë si dhe Champions League në vitin 2013.
Të nderuar tifozë, ka ardhur koha që unë të përfundoj karrierën time aktive në fund të këtij sezoni. Dua t’ju falënderoj, ju dhe ekipet e mia @fcbayern, @manchesterunited, @chicagofire dhe @dfb_team. Ju e keni bërë të mundur këtë kohë të pabesueshme për mua! Dhe natyrisht, do të doja të falënderoja gruan time @anaivanovic dhe familjen time për mbështetjen e tyre. Të them lamtumirë si një lojtar aktiv më dhëmb, por unë pres me padurim sfidat emocionuese që më presin së shpejti. Unë do të qëndroj besnike ndaj futbollit. Shumë, shumë faleminderit për kohën që kemi kaluar së bashku, gjithmonë do të kem një vend për ju në zemrën time! I juaji, Basti.
Foto:
