Në moshën 10-vjeçare, Kenan Yildiz u bë një nga futbollistët më të rinj që ka nënshkruar ndonjëherë kontratë me një markë sportive.
Tani, shtatë vjet më vonë, po bëhet e qartë se pse Adidas mezi po priste ta lidhë atë më kontratë që në atë kohë.
Yildiz kishte qenë në rezervat në Bayern Munich për tre vjet përpara se të nënshkruante marrëveshjen e tij me Adidas, pasi kishte tërhequr vëmendjen e skautëve me kontrollin e tij të mirë të topit dhe aftësinë për të dribluar me lehtësi kundërshtarët.
Ndërsa ai luante si numër 10, ai u krahasua me Mesut Ozil, megjithëse krahasimi u bë pjesërisht edhe për shkak të trashëgimisë turke të Yildiz.
Në Bayern, Yildiz ishte një nga tre lojtarët më të talentuar në atë kohë së bashkua me Paul Wanner dhe Arijon Ibrahimovic.
Yildiz, megjithatë, ka zgjedhur të marrë një rrugë tjetër, dhe kjo u bë e qartë në fillim të vitit 2022, pasi se ai refuzoi të nënshkruante një kontratë profesionale me Bayern Munich, ndërkohë klubet më të mëdha të kontinentit filluan të grumbullohen rreth tij.
Për disa muaj dukej se Barcelona ishte gati të siguronte nënshkrimin e Yildiz, por Juventusi hyri në momentin e fundit në garë me një ofertë që e bëri 17-vjeçarin të transferohej në Torino në fillim të korrikut.
“Kenan ka qenë me ne për 10 vjet. Fakti që rrugët tona janë ndarë është për shkak të faktorëve financiarë”.
“Kur Kenani të luajë në Ligën e Kampionëve, ne do të jemi krenarë për të, sepse do të jetë një njohje e shkëlqyer dhe një shpërblim për punën që bëjmë në akademi”, ka thënë menaxheri i akademisë së Bayernit, Jochen Saier, pas largimit të Yildiz.
Pavarësisht kësaj deklarate diplomatike, nuk ka dyshim se Bayern është i mërzitur që ka humbur një nga talentet e tyre më të mirë.
Ai e filloi sezonin me U-17, por pasi shënoi katër gola dhe dha pesë asistime në tetë ndeshjet e tij të para, u promovua shpejt në U19 si 16-vjeçar.
Yildiz me t’u larguar nga Bavaria, e nisi në mënyrë të përsosur jetën te Juve.
Duke luajtur për U19 të Juves në Turneun FC Aesch në Zvicër, Yildiz u votua si “Lojtari i Turneut” pasi shënoi katër gola, duke përfshirë një het-trik mahnitës kundër Valencias në finale.
Synimi i tij tani është të kalojë me forcë në skuadrën e parë të Juventusit, megjithëse ka një mirëkuptim që nuk ka gjasa të ndodhë këtë sezon duke pasur parasysh se sa kohë lojtarët e tjerë të talentuar nga akademia e klubit janë detyruar të presin.
Por duke pasur parasysh përpjekjet e Juventusit dhe klubet që iu desh të mposhtnin për të nënshkruar me Yildizin, ata besojnë qartë se kanë sjellë një lojtar që mund të bëjë ndryshim në nivelin më të lartë në një të ardhme jo shumë të largët.
Sigurisht, Adidas e besoi këtë në vitin 2015. Dhe tani pjesa tjetër e botës së shpejti do të mësojë se përse kompania e njohur u përpoqën kaq shumë për të lidhur Kenan Yildiz me markën e tyre. /Telegrafi/
