SHBA’të kanë reaguar ndaj deklaratave të vazhdueshme nga lideri korean Kim Jong Un, duke i cilësuar ato si ‘’sinjale interesante’’.
Por në reagimin e tyre thuhet se po presin një komunikim të drejtpërdrejtë nga Pyongyan për çdo bisedim të mundshëm.
“Komentet e tij këtë javë i konsiderojmë si një sinjal interesant dhe do të presim të shohim nëse ato ndiqen me ndonjë lloj komunikimi më të drejtpërdrejtë për ne në lidhje me një rrugë të mundshme përpara”, tha këshilltari i sigurimit kombëtar të SHBA Jake Sullivan për ABC Neës.
Media shtetërore e Koresë së Veriut njoftoi të premten se Kim urdhëroi qeverinë e tij të përgatitej për të dy “dialogun dhe konfrontimin” me Uashingtonin, në reagimin e parë ndaj politikës së re të administratës së Biden për Pyongyang. Kim gjithashtu theksoi nevojën për t’u përgatitur “plotësisht për përballje” për të garantuar “mjedisin paqësor” dhe sigurinë e Koresë së Veriut.
“Ajo që Presidenti Biden ka komunikuar është se Shtetet e Bashkuara janë të gatshme të angazhohen në negociata parimore me Korenë e Veriut për t’u marrë me sfidën e programit bërthamor të Koresë së Veriut drejt objektivit përfundimtar të denuklearizimit të plotë të Gadishullit Kore”, tha Sullivan në intervistë .
Muajin e kaluar, Presidenti i SHBA Joe Biden refuzoi qasjen e paraardhësit të tij në Korenë e Veriut dhe programin e saj bërthamor, duke thënë se ai nuk do t’i jepte Kim Jong Un ndonjë “njohje ndërkombëtare”.
Ish presidenti amerikan Donald Trump u takua me udhëheqësin e Koresë së Veriut në qershor 2018 gjatë samitit të Singaporit por deri më tani nuk është arritur asnjë term i pranueshëm reciprokisht për negociatat bërthamore.
“Nëse ai do të bënte ndonjë angazhim, atëherë unë do të takohesha me të,” tha Biden gjatë një konference të përbashkët shtypi me Presidentin e Koresë së Jugut Moon Jae-in.
