Sonte, me fillim nga ora 22:00 në Klan Kosova dhe Live në Gazeta Blic, flet kandidatja për kryeministre nga radhët e Lidhjes Demokratike të Kosovës, Vjosa Osmani.
Osmani flet ekskluzivisht për “Blic Interview me Astrit Gashin” lidhur me bisedimet për arritjen e koalicionit me Lëvizjen Vetëvendosje të Albin Kurtit.
Cili ka qenë roli i Vjosa Osmanit në bisedimet me Vetëvendosjen? – A mund të dështoi koalicioni me VV-në për shkak të kërkesës së LDK-së për postin e presidentit? – A është Isa Mustafa kandidat i LDK-së për president dhe a mendon Vjosa Osmani, që ai është personi i duhur për këtë post?
A është ‘prekur’ Osmani nga deklarata e Kurtit se të gjitha kryeministrat e mëhershëm kanë qenë hajna? Kujt do t’i takojë ministria e Punëve të Brendshme? Për çfarë posti është e interesuar Osmani?
Nëse s’ka koalicion me VV-në, a është e gatshme LDK për të qëndruar në opozitë? – A ekziston opsion tjetër përpos koalicionit me Vetëvendosjen? Qeveri e gjerë ose teknike?
Për këto dhe shumë të tjera, përgjigjet në “Blic Interview me Astrit Gashin”, sonte, me fillim nga ora 22:00, nënkryetarja e LDK-së, Vjosa Osmani.
