Presidenti rus Vladimir Putin, ka bërë thirrje për t’i dhënë fund luftimeve midis Armenisë dhe Azerbajxhanit rreth territorit të diskutueshëm të Nago-Karabakut, ku deri tani janë shënuar edhe disa civilë të vrarë.
Armenia thotë se ka rrëzuar dy helikopterë Azerbajxhanas dhe ka shkatërruar tre tanke në përleshjet midis dy vendeve.
Nagar-Karabah tha se 16 ushtarë të tij ishin vrarë dhe më shumë se 100 të plagosur në luftime – si dhe një numër civilësh.
Ministria e mbrojtjes e rajonit të shkëputur gjithashtu pretendoi se kishte shkatërruar katër helikopterë Azerbajxhanë, 15 dronë dhe 10 tanke gjatë përleshjeve herët të dielën.
Kremlini tha se Presidenti i Rusisë, Putin dhe Kryeministri i Armenisë, Nikol Pashinyan diskutuan situatën në një telefonatë të dielën.
Një deklaratë tha se biseda vuri në dukje se ishte e rëndësishme të mos lejohej përshkallëzimi i mëtejshëm i konfliktit dhe theksoi nevojën për të ndaluar të gjitha veprimet ushtarake.
Ministri i jashtëm rus Sergei Lavrov “po kryen kontakte intensive në mënyrë që të nxisë palët të pushojnë zjarrin dhe të fillojnë negociatat për të stabilizuar situatën”, tha një zëdhënëse e ministrisë.
Ndërkohë, zyra e prokurorisë së përgjithshme të Azerbajxhanit tha se pesë anëtarë të së njëjtës familje ishin vrarë nga bombardimet nga forcat e Armenisë – viktimat e para civile nga Baku.
Ministria e mbrojtjes së Armenisë tha se konflikti i fundit filloi me një sulm të Azerbajxhanit – ndërsa Azerbajxhani tha se pala armene sulmoi e para dhe se ata kishin filluar një kundërsulm.
Si Armenia ashtu edhe Nagarabagu shpallën ligjin ushtarak dhe mobilizimin ushtarak. Sidoqoftë, ushtria e Azerbajxhanit tha se nuk kishte nevojë që ata ta bënin këtë pasi janë të organizuar mjaft mirë.