Kuvendi ka miratuar me 69 vota pro, 40 kundër dhe asnjë e përmbajtur, nevojën e ligjit për ratifikimin e marrëveshjes për emrin me Greqinë. Kundër ka votuar edhe deputeti Ferid Muhiq. Gjatë leximit të procedurës nga ana e kryetarit të Kuvendit Talat Xhaferi, deputetët e VMRO DPMNE- së janë ngritur menjëherë në këmbe dhe kanë kërkuar pushim duke krijuar edhe kaos për të mos arritur në votim.
Tensioni në ambientet e Kuvendit ka vazhduar për pak minuta por nuk ka penguar votimin nga ana e mazhorancës. Dimitrov nga ana tjetër gjatë sencës ka kërkuar që Propozim-ligji për ratifikimin e plotë të marrëveshjes të sillet me procedurë të përshpejtuar sepse koha nuk pret.
Pas votimit të sotëm, komisioni ka dy ditë kohë, respektivisht deri të mërkurën në mesnatë për shqyrtimin e marrëveshjes. Pasi të kalojë në Komision, propozim-ligji për ratifikimin e marrëveshjes do të shkojë sërish në seancë plenare për ratifikimin e plotë të tij.