Paulo Dybala së shpejti do të jetë edhe zyrtarisht lojtari më i ri i Romës. Sipas Fabrizio Romanos, është arritur marrëveshja ndërmjet Romës dhe Dybalas për transferimin e tij te ekipi italian.
Argjentinasi do t`i bashkohet ‘romakëve’ si një lojtar i lirë, pasi i skadoi kontrata me Juventusin.
Marrëveshja e arritur do ta mbajë anësorin në ‘Stadio Olimpico’ deri në vitin 2025. Ndërsa paga thuhet të jetë gjashtë milionë euro.
Çelësi për arritjen e marrëveshjes ka qenë Jose Mourinho, pasi e ka dashur me çdo kusht argjentinasin në ekip.
