Pas ngjarjeve të fundit që po ndodhin në shtetin tonë, e ku më i freskëti është ai i 14-vjeçares, Vanja Gjorçevska e cila u vra tragjikisht para disa ditësh, shkruan InfoShqip.
Në lidhje me këtë rast ka ardhur një reagim nga Lidhja Europiane për Ndryshim.
Deklarata e plotë:
“Zhvillimet e fundit tragjike me vrasjen e vajzës 14 vjeçare Vanja Gjorçevska dhe 74 vjeçarit nga Velesi, ngjallin edhe dyshime të tjera për krimet që i dyshuari kryesor për organizimin e krimit Lupço Palevski, i njohur me nofkën Palço të ketë qenë i përfshirë edhe në raste të tjera të montuara në vendin tonë.
Kur Ministri i Brendshëm, Oliver Spasovski deklaron se i dyshuari kryesor që e ka kryer vrasjen e Vanjës si dhe bashkëpunëtorët e tij, kanë punuar për qendra të fuqishme antiperëndimore, atëherë është e logjikshme që të dyshojmë se organozatori i njëjtë i vrasjes së vajzës së re Vanja, të jetë i përfshirë edhe në organizoimin e rastit të montuar “Monstra”, ku në mënyrë makabre u vranë pesë djem të rinj. Dhe e gjithë kjo, në prag të festave fetare, me qëllim për të shkaktuar destabilizim të shoqërisë përmes tensioneve ndëretnike.
Andaj, Lidhja Europiane për Ndryshim, kërkon nga Ministria e Punëve të Brendshme dhe nga organet hetuese gjyësore që të dalin dhe publikisht ta informojnë opinionin se ku ka qenë Lupço Palevski – Pallço më 24 prill të vitit 2012, në ditën kur ndodhi rasti i montuar “Monstra”?
Nga ana tjetër kërkojmë që Ministria e Drejtësisë dhe Ministria e Punëve të Brendshme të mos e lodhin opinionin vetëm me deklarata ku spjegojnë procedurat e ekstradimit, por të hetojnë dhe ta tregojnë konkretisht ditën se kur i dyshuari kryesor për organizimin e vrasjes së Vanjës do të ekstratohet nga Turqia?!
08.12.2023
Lidhja Europiane për Ndryshim”, shkruhet në deklaratë./InfoShqip.com
