Të tjera detaje dalin në dritë për gomonen me drogë që kapi policia gjatë ditës së shtunë.
Sipas mediave të Korfuzit, gomonia me drogë ishte nisur nga jugu i Himarës dhe kishte si itinerar destinacionin Shqipëri-Greqi-Itali.
Policia e ka pikasur pranë Korfuzit dhe e ka ndjekur deri në brigjet e ishullit Tzia në Athinë.
Në ishullin Tzia, gomonia është qëlluar me snajper nga policia që i ndiqte me helikopter, ndërsa herë pas herë ka pasur shkëmbim zjarri me trafikantët raporton ‘BalkanWeb’.
Mediat greke informoje se deri tani janë 6 të arrestuar në total, 4 shqiptarë e 2 italianë.
Mësohet se në gomone janë kapur 2 shqiptarë dhe 1 italian, ndërsa nëpër banesa janë kapur 2 shqiptarë të tjerë dhe 1 italian.
Nuk dihet ende sasia e drogës së sekuestruar në gomone. Policia greke vijon kontrollet në disa banesa në Notia Proastia.
