Shefi i diplomacisë bullgare, Nikolai Millkov, ka komentuar sot tabelën e cila u ngjyros tek ish-klubi bullgar “Ivan Mihajllov” në Manastir.
“Natyrisht që atmosfera atje e lejon këtë dhe ka elementë mosndëshkimi që favorizojnë veprime të tilla. Siç mësojmë, po diskutohen variante të teksteve të ardhshme që do të ishin ndryshime në Kushtetutë. Ne do të donim të ishim pjesë e këtij procesi për të ecur pa probleme dhe do të donim të konsultoheshim me ta për këto çështje.
Në këtë kuptim, dje pata një bisedë të shkurtër me ministrin Bujar Osmani dhe shpresoj se do të përgjigjen. Kemi kontakte të vazhdueshme dhe në këtë mënyrë përpjekje për të ulur tensionin, natyrisht, pa cenuar të drejtat e bullgarëve në Maqedoninë e Veriut. Pra ky dialog duhet të vazhdojë për aq kohë sa ka vullnet nga ana e tyre. Ne shtrëngojmë duart përsëri. Jemi të gatshëm të diskutojmë për ndryshimet që po bëjnë”, tha ministri bullgar, duke komentuar ndryshimet e mundshme të Kushtetutës së Maqedonisë.
Në ndërkohë është njoftuar se një person me sprej të zi ka fshirë emrin në tabelën e ish-klubit bullgar “Ivan Mihajllov” të objektit në Manastir.
