Leandro Paredes ka thënë se “gjithmonë donte” të vinte në Juventus dhe i tha familjes së tij “është te Juve ose askund” kur erdhi puna për t’u larguar nga Paris Saint-Germain.
Reprezentuesi argjentinas e bëri transferimin në formë huazimi me detyrim blerje për 22.6 milionë euro dhe u prezantua para tifozëve në Allianz Juventus Stadium gjatë fitores së mbrëmshme 2-0 në Serie A ndaj Spezias .
“Jam vërtet i lumtur që jam këtu, ky është një klub që kam dashur gjithmonë të bashkohem, kështu që jam i lumtur”.
“Juve ishte ekipi i ëndrrave të mia. Unë pata mundësinë shumë vite më parë dhe nuk doja ta humbisja përsëri. Unë u thashë miqve dhe familjes: ‘Te Juve ose askund’”.
Ai ndoqi mikun e tij dhe ish-bashkëlojtarin e PSG-së, Angel Di Maria në Torino.
“Ne jemi miq për shumë vite, familjet dhe fëmijët tanë janë gjithashtu shumë të afërt. Të jesh sërish me të në të njëjtin ekip është e veçantë”, deklaroi Paredes.
Paredes ka zgjedhur fanellën me numrin 32./Telegrafi/