Eksperti dhe njohësi i sigurisë, Fadil Kajtazi, ka thënë se rasti i dorëheqjes së Sekretarit të Mbrojtjes së Shteteve të Bashkuara të Amerikës, James Mattis, është një sinjal për të parë qartë prishjen e ekuilibrave globale.
Sipas tij, ardhja e presidentit të Rusisë, Vladimir Putin, më 17 Janar në Serbi, gjithashtu është sinjal i përvijimit të politikave ruse në Ballkan në fazën e indefirentizmit Trampian. “Natyrisht se viktima potenciale jemi ne shqiptarët, ku Presidenti Thaçi me kompanitë e fragmentuara në PDK, LDK, AAK, PSD, shoqëri civile, po mundohet t’i kanalizoi përvijimet ruse-serbe”, ka shkruar Kajtazi në Facebook.
Sekretari amerikan i Mbrojtjes, James Mattis, i cili i kishte dhënë Kosovës bekimin e Amerikës për formimin e ushtrisë, do të largohet nga posti i tij. Lajmin e ka bërë të ditur vetë presidenti i Shteteve të Bashkuara të Amerikës, Donald Trump.
Ja postimi i plotë:
Në konferencën e sivjetme për shtyp të Presidentit Trump dhe Putin që u mbajt pas takimit të tyre në gushtin e këtij viti ndodhi një paradoks: Ishte hera e parë në historinë e SHBA-ve që një president ta fajsojë komunitetin e shërbimeve inteligjente të SHBA-ve në prani të një presidenti të një shteti me disponime armiqësore ndaj SHBA-ve. Edhe me kushtin e shkaktimit të incidenteve të karakterit ndërkombëtar, ku mund të shkaktoheshin katastrofa globale, as gjate Luftës së Ftohtë, nuk ka ndodhur që një pesident të fajësjë CIA-n publikisht sikur që bëri gjatë kësaj vere Presidenti Trump në prani të presidentit Putin.
Ky akt ishte i pa zakontë, ishte një sinjal i mjaftueshëm që të priten befasi në politikën e jashtme amerikane.
Rasti i sotëm i dorhëqjes të Sekretarit të Mbrotjes të Shteteve të Bashkuara të Amerikës, James Mattis është një sinjal për te parë qartë prishjen e ekuilibrave globale. Personaliteti i Mattis dhe dorëheqja e tij përçon mesazhin e ndryshimit të diskursit politik amerikan si fuqi globale, ku mosdurim në raport me presidentin e ka natyrën e indeferizmit karshi Rusisë dhe erozioni që po shkakton politika e tij në raport me aleatët evropian.
Ardhja e Putinit më 17 Janar në Serbi, gjithashtu është sinjal i përvijimit të politikave ruse në Ballkan në fazën e indefirentizmit Trampian. Natyrisht se viktima potenciale jemi ne shqiptarët, ku Presidenti Thaçi me kompanitë e fragmentuara në PDK, LDK, AAK, PSD, shoqëri civile, po mundohet t’i kanalizojë përvijimet ruse-serbe.
Njerëz të mirë të PDK, LDK, AAK, e keni rastin më të mirë që t’i identifikoni njerëzit që ju kanë tradhëtuar gjatë gjithë kohës në emër të kauzave patriotike, është koha të veproni në shërbim të kombit!
