Presidenti i Kosovës, Hashim Thaçi ka refuzuar thirrjen e Kryeministrit shqiptar, Edi Rama, për të marrë pjesë në samitin e radhës në Tiranë ku do të mbahet tryezë për Mini Schengenin. Në anën tjetër Presidenti i Serbisë, Aleksandar Vucic, i cili do të jetë pjesëmarrës në këtë takim ka njoftuar se mundësia që të vijë edhe homologu i tij nga Mali i Zi, nuk është e parealizueshme
Vucic tha sot se po përgatitet të shkojë në Shqipëri, ku do të marrë pjesë në një takim të premten dhe të shtunën për zbatimin e mëtutjeshëm të një nisme rajonale të quajtur ‘Mini Schengen’.
‘Po përgatitem për Shqipërinë. Nuk është e pamundur që të vijë edhe Presidenti i Malit të Zi’, u tha ai gazetarëve.
Të Premten pasdite, takimi i tretë i Kryeministrave të Shqipërisë dhe Maqedoninë Veriore, Edi Rama dhe Zoran Zaev bashkë Vucic, i cili është edhe iniciues i kësaj nisme, do të mbahet në Tiranë për zbatimin e një nisme për heqjen e pengesave për lëvizjen e lirë të mallrave, njerëzve, shërbimeve dhe kapitalit.
Në takimin e mëparshëm gjatë një muaji më parë në Ohër, përfaqësuesit e Malit të Zi thanë se po shqyrtonin iniciativën, dhe Bosnja dhe Hercegovina nuk kishte ende një qëndrim për të.
