Opozita po proteston para kryeministrisë. Ora News përcjell live gjithë zhvillimet. Drejt godinës së kryeministris është hedhur dhe molotov të cilat shpërthejnë në flakë. Protestuesit therrasin Rama ik.
Kryetari i PD-së bëri thirrje për të çliruar nga zgjedhjet me krim dhe qeverisja me krimin dhe kriminelin, ndërkohë që kryetarja e LSI-së pati një mesazh: Kam dhe një mesazh për Edi Ramën ai e di shumë mirë që zyra e tij pushtohet në një sekond, por do të jetë shumë më keq nëse shqiptarët do i hyjnë në zyrë. Ti japë shansin shqiptarëve për zgjedhje të lira e të ndershme”
Ora 19:31 Policia shpërndan protestuesit me gaz lotsjellës.
Ora 19:30 Policia bën thirrje për të shmangur hedhjen e lëndëve djegëse dhe mjeteve pirotektnike. Disa protestues ngjiten në shkallët e Kryeministrisë.
Ora 19:29 Protestuesit vazhdojnë të hedhin molotov drejt godinës së Kryeministrisë. Në derën kryesore dhe fasadë ka zjarr herë pas here. Ndërkohë zjarrfikësit e pozicionuar në krah të godinës po vijojnë të shuajnë flakët.
Ora 19: 28 Ora e lojës me popullin dhe fatin e tij ka marrë fund.
Kryetari i PD-se: Ne jemi këtu për ti dhënë një mesazh të qartë e të prerë Ramws nuk të lëmë më të bllokosh rrugën tonë drejt Europës. “Rama ik”. 6 vite e gjysmë të sundimit kriminal të Ramës dhe Organizuatës së tij e kanë lënë Shqipërinë jashtë Euorpës. Vendi i vetëm në botë pa Gjykatë Kushtetuese. Ora e lojës me popullin dhe fatin e tij ka marrë fund.”
Ora 19:15 Protestuesit përplasen me policinë, shtyhen. I vënë flakën derës së Kryeministrisë. Zjarr edhe te Kuvendi.
Ora 19:07 Kryemadhi ka një mesazh për Ramën: E di shumë mirë që zyra e tij pushtohet në një sekondë
Ora 19:06 Protestuesit hedhin bojë, kapsolla dhe tymuese drejt godinës së Kryeministrisë.
Ora 19:04 Edhe Kryemadhi del nga selia e LSI-së, bashkë me mbështetësit niset drejt Kryeministrisë.
Ora 19:02 Basha me të rinjtë del nga selia e PD-së dhe niset drejt Kryeministrisë
Ora 18:58 Sërish tymuese në bulevard.
Ora 18:55 I bashkohet protestës së opozitës edhe kryebashkiakja e Shkodrës, Voltana Ademi.
Ora 18:54 Basha dhe Kryemadhi do të dalin nga selitë e partive në orën 19:00.
Ora 18:53 Hidhen sërish tymyese nga protestuesit.
Ora 18:49 Protestuesit pajisen me maska antigaz te selia blu.
Ora 18:50 Ish-deputeti i LSI, Endrit Braimllari paralajmëron kryeministrin Rama dhe ministrin Lleshaj të mos provojnë protestuesit.
Ora 18:48 Hidhen shashka dhe tymuese nga protestuesit e mbledhur në bulevard
Ora 18:38 – Nis marshimi i protestuesve në bulevardin “Dëshmorët e Kombit”. Mbizotërojnë simbolet kombëtare.
Ora 18:35 – Të rinjtë e PPE marrin pjesë në protestë
Ora 18:33 Basha del nga selia e PD-së, pritet me ovacione nga protestuesit.
“Basha, Basha, Shqipëria është me ty!”, “Rama ik!”, janë disa nga thirrjet e tyre.
Video: