Presidenti rus, Vladimir Putin, tha se Rusia gëzon një avantazh të fortë në hartimin e armëve të reja, dhe se është vendi i vetëm në botë që ka krijuar armë hipersonike.
Duke folur në një takim të lartë ushtarak, Putin tha se për herë të parë Rusia po udhëheq botën në zhvillimin e një klase tërësisht të re të armëve, ndryshe nga e kaluara kur ishte duke u munduar që të ”zë” Amerikën.
Udhëheqësi rus vuri në dukje se gjatë kohërave të Luftës së Ftohtë, Bashkimi Sovjetik ishte pas SHBA’ve në hartimin e bombës atomike, dhe ndërtimin e raketave balistike ndërkombëtare.
”Tani kemi një situatë që është unike në historinë moderne kur ata po përpiqen të na zënë ne”, tha ai. ”Asnjë vend i vetëm nuk ka armë hipersonike, e lërë më armë hipersonike të interkontinentale.”
Shërbime ushtarake të Pentagonit dhe SHBA’së kanë punuar në zhvillimin e armëve hipersonike në vitet e fundit, dhe Sekretari i Mbrojtjes Mark Esper tha në gusht se ai beson se ”duhen vite” që SHBA të ketë një të tillë. Ai e ka quajtur këtë një përparësi, pasi ushtria po punon për të zhvilluar aftësi të reja zjarri me rreze të gjatë.
Putini tha që njësia e parë e pajisur me automjetin hipersonik të avionit Avangard, është vendosur të dalë në detyrë këtë muaj, ndërsa raketat hipersonike të Kinzhal-it të nisura nga ajri tashmë janë në shërbim.
SHBA’të dhe vendet e tjera gjithashtu kanë punuar në hartimin e armëve hipersonike, por ato ende nuk kanë hyrë në shërbim.
