Kryeministri në detyrë, Ramush Haradinaj, sot ka vizituar Gremen e Ferizajt, ku ka bashkëbiseduar me qytetarë të asaj ane.
Haradinaj ka folur edhe për përvojën e tij të rëndë mbi përpjekjet për ndarjen e Kosovës.
Ai ka thënë se ka pasur raste, kur i është thënë se pa “aminin” e Serbisë nuk kryhet kurrgjë.
“Kanë dashtë me na dorëzu para Serbisë. Mu m’kanë thanë, pa aminin e Serbisë s’mun i kryjmë punët”, ka thënë ai.
Haradinaj ka treguar se si i është përgjigjur kësaj deklaratë, që nuk ka treguar se nga kush i është thënë.
“Thashë moni kështu, se me prit aminin e Serbisë s’kishmi mujt me u ba kurrë shtet”, ka theksuar Haradinaj.
Ai tutje, ka thënë se respekton qytetarët e Ferizajt. “Kurrë nuk e kam kthy qytetarin prapa”, ka thënë Haradinaj.