Rasti maqedonas: Kthehen në Ukrainë armët e marra për luftë me shqiptarët

Deri më tani, mjeti luftarak slloven i këmbësorisë (IPV) M-80A hyri në armatimin e Brigadës së 24-të të Mekanizuar të Ukrainës, sistemi luftarak më kompleks i prodhuar në ish-Jugosllavi deri më tani, i konfirmuar për përdorim në luftën midis Rusisë dhe Ukrainës.

Sipas portalit Balkan Security Network, fotot e shfaqura në rrjetet sociale tregojnë se ekuipazhet ukrainase, pasi kanë kryer stërvitje, kanë marrë në dorëzim një numër të këtyre mjeteve dhe se para se të nisen për në detyrë, po e mbushin mjetin me municion top 20 mm.

Më herët u konfirmua se Sllovenia i dhuroi Ukrainës 35 automjete luftarake të këmbësorisë M-80, të cilat ishin të trashëguara nga ish-Jugosllavia. Është ekuivalenti i formimit të një batalioni të mekanizuar nga koha e Bashkimit Sovjetik.

Mjete të tilla të blinduara amfibe me gjurmim përdoren ende nga Kroacia dhe Bosnja në ushtrinë e tyre, ndërsa përdoruesi më i madh është Ushtria Serbe, e cila ka 320 automjete në përdorim aktiv dhe disa qindra variante origjinale M-80 me një motor më të dobët, në rezervë.

Sllovenia i dhuroi ato automjete në fund të qershorit dhe në këmbim mori një premtim nga Shtetet e Bashkuara të Amerikës për një kredi që do të mundësonte blerjen e pajisjeve të reja ushtarake për ushtrinë e saj.

Kishte aludime se Sllovenia mund t’i jepte Ukrainës edhe tanke jugosllave M-84, duke qenë se bëhet fjalë për një modernizim të plotë të tankut sovjetik T-72, me të cilin Ukraina tashmë ka përvojë, por në këtë fazë të luftës që u braktis.

Në qarqet e ekspertëve, M-80A konsiderohet një armë e vjetëruar që vështirë se mund të plotësojë nevojat e luftës moderne përsa i përket mbrojtjes së blinduar dhe fuqisë së zjarrit. Pavarësisht kësaj, ajo mund të gjejë vendin e saj në përbërjen e ushtrisë ukrainase, sepse të dyja palët vazhdojnë të përdorin automjete që nuk janë shumë të ndryshme nga makina e blinduar jugosllave për sa i përket karakteristikave të tyre themelore, dhe në disa aspekte mund të mbeten prapa”, shkruan portali.

Maqedonia, donatori më i madh

Pas pritjes dhe rikualifikimit, në kuadër të Brigadës së 24-të të Mekanizuar të Ushtrisë së Ukrainës, u krijua një njësi e armatosur me M-80A, e cila është arma më e rëndësishme luftarake e ish-Jugosllavisë e përdorur në atë luftë.

“Deri më tani kemi pasur mundësinë që përmes fotografive të konfirmojmë praninë e disa armëve më të vogla, si mortaja 60 mm në variantet M-57 dhe M-06. Është verifikuar edhe përdorimi i municioneve mortajash në kalibrat 60, 82 dhe 120 milimetra. Nga armët personale janë vërejtur pushkët jugosllavë M-70 në të gjitha variantet. Supozohet se pushkët kanë ardhur nga Kroacia, por ka të tjerë ‘kandidatë të dukshëm’ që mund të mos jenë mburrur me dhurimin e tyre nga frika e reagimit të Moskës zyrtare”, thuhet në tekst.

Maqedonia e Veriut ka qenë donatori më i madh për Ukrainën e ish-republikave jugosllave deri më tani, por ajo kryesisht siguroi armë “jo-jugosllave”, domethënë armët që i mori nga Ukraina dy dekada më parë, kur po përballej me shqiptarët vendas në vitin 2001.

Tanke, automjete luftarake këmbësorie, raketahedhës me shumë tyta shkuan në Ukrainë nga Maqedonia e Veriut dhe ndoshta “oferta” më interesante nga Maqedonia e Veriut ishte ajo në lidhje me katër avionë sulmues Su-25.

Bëhet fjalë për avionë luftarakë që nuk janë përdorur për më shumë se një dekadë e gjysmë, por që do të ishin shumë të vlefshëm për Ukrainën, qoftë edhe vetëm si burim i pjesëve rezervë për mirëmbajtjen e flotës ekzistuese.

Deri më tani nuk ka pasur një konfirmim të fortë se ka ndodhur transferimi i atyre avionëve, por ka ardhur një lloj konfirmimi indirekt. Përkatësisht, gjatë protestës së Moskës zyrtare ndaj informacionit se avionët janë dorëzuar, Ministria e Mbrojtjes së Maqedonisë së Veriut nuk i hodhi poshtë këto pretendime, por vetëm u përgjigj se ishte një vendim i pavarur i një shteti sovran dhe anëtar i aleancës së NATO-s”, shkruan portali.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu