Si pasojë e reshjeve të borës është bllokuar segmenti nga hyrja e tunelit të Murrizit, i gjithë “bay-pasi” deri në Xibër Murrize, segment i rrugës së Arbrit. Është bërë e ditur se në këtë aks po punojnë 2 mjete borëpastruese, por qarkullimi ende nuk është bërë i mundur.
Policia rrugore kërkon nga drejtuesit e mjeteve që vijnë nga Tirana drejt Dibrës, të vendosin goma dimërore dhe të përdorin zinxhirët.
Për momentin policia po monitoron segmentin dhe nuk lejon qarkullimin, duke e devijuar atë në rrugën e vjetër.
Ndërkohë kujtojmë se një ditë më parë, kryeministri Edi Rama ngriti vetë traun e Rrugës së Arbrit, e duket se pak orë më vonë, po aty situata është problematike.
