Rusia ‘tregon muskujt’, Trump mendon të shkojë në paradë

Donald Trump vazhdon të surprizojë me disa nga deklaratat e tij.

Presidenti i Shteteve të Bashkuara të Amerikës deklaroi sot se po merr seriozisht parasysh ftesën e presidentit rus Vladimir Putin për të marrë pjesë në paradën madhështore në Ditën e Fitores, festë kjo që zhvillohet në 9 maj dhe kujton fitoren e Rusisë dhe aleatëve ndaj forcave nazi-fashiste.

Parada është tradicionalisht edhe një mjet i fuqishëm i propagandës ushtarake të Kremlinit, që përfiton nga vëmendja e opinionit publik dhe asaj mediatike për të “treguar muskujt” me risitë më të avancuara të industrisë ushtarake ruse.

“Jam i nderuar nga ftesa, dhe po mendohem”, deklaroi Trump, i cili gjithsesi shtoi se parada “bie në mes të fushatës për zgjedhjet presidenciale”, gjë që mund të pengojë praninë tij, që do të ishte një event sigurisht historik.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu