Ministri i Punëve të Jashtme të Serbisë, Nikola Selakoviq, ka deklaruar sot se qëndrimi absurd i disa aktorëve politikë në Lubjanë është se Sllovenia ka një interes më të madh dhe më legjitim për Kosovën se sa Serbia, dhe se kushdo që ka njohur pavarësinë e Kosoves po shkelte të drejtën ndërkombëtare dhe po cenonte integritetin territorial të Serbisë, transmeton InfoShqip.
“Fakti që Serbia ka vendosur të mos e problematizojë këtë çështje në marrëdhëniet me Slloveninë, me të cilën ne duam të kemi marrëdhënie partneriteti, të qëndrueshme dhe reciprokisht të dobishme, nuk do të thotë se ne e miratojmë dhe do ta miratojmë ndonjëherë qëndrimin e Sllovenisë kur bëhet fjalë për provincën tonë jugore”, thotë ai në deklaratën me shkrim të Selakoviqit, të cilën e ka transmetuar Ministria e Punëve të Jashtme.
Ai tha se nuk e konteston të drejtën e Sllovenisë për të marrë qëndrim për ndonjë çështje të politikës së jashtme dhe se ajo e trajton atë si interes të saj shtetëror, por, po ashtu, Sllovenia nuk duhet t’ia mohojë Serbisë të drejtën për të mbrojtur interesat e saj shtetërore dhe kombëtare.
“Sigurisht, nuk duhet theksuar se interesi i saj kombëtar po i sfidon interesat kombëtare të Serbisë”, tha Selakoviq.
Ai tha se Sllovenia duhet të tregojë një minimum mirësjelljeje dhe pak takt diplomatik dhe të mos e prekë Serbinë “aty ku është më e ndjeshme” nëse dëshiron të ushqejë marrëdhënie partneriteti me të.
“Serbia, duke mbrojtur sovranitetin dhe integritetin e saj territorial, mbron edhe të drejtën ndërkombëtare, dhe ata që njohën pavarësinë e vetëshpallur të të ashtuquajturës Kosovë, shkelën të drejtën ndërkombëtare dhe shkelën integritetin territorial të Serbisë”, tha Selakoviq./InfoShqip.com
