Pas bisedës që pati me presidentin e Serbisë, sekretari i NATO-s, Jens Stoltenberg e ka telefonuar edhe kryeministrin e Kosovës, Albin Kurti.
Këtë e ka bërë të ditur vet Stoltenberg me anë të një postimi në Twitter. Stoltenberg ka thënë se temë diskutimi ishte pikërisht situata në veri të Kosovës.
Ai ka kërkuar nga Kosova e Serbia që menjëherë të shtensionojnë situatën dhe t’i kthehen dialogut.
“Kam folur me Vuçiq dhe Kurtin për nevojën e de-përshkallëzimit të situatës në veri të Kosovës. Është vitale që Prishtina e Beogradi të tregojnë përmbajtje dhe t’i rikthehen dialogut. Mandati i KFOR-it mbetet sigurimi i një ambienti të sigurtë si dhe liria e lëvizjes për të gjithë”, ka shkruajtur Stoltenberg.
