Kreu i BDI-së, Ali Ahmeti tha se gjendja aktuale në veri të Kosovës nuk ndikon në Maqedoninë e Veriut. Ai theksoi se pa marrë parasysh, të gjithë duhet të kontribuojnë në ruajtjen e paqes dhe stabilitetit.
“Nuk mendoj që zhvillimet në Veri që zhvillohen, mund të ndikojnë në Maqedoni.
Maqedonia është shtet stabil, në procese të rëndësishme, të gjithë pavarësisht dallimeve të kontribuojnë në forcim të paqes, stabilitetit dhe sigurisë. Nuk shoh asgjë të rëndësishme në këtë drejtim”, theksoi Ahmeti.
