Pas kërkesave të Federatës së Futbollit të Kosovës në FIFA për të qartësuar situatën e lojtarëve shqiptarë që duan të luajnë për përfaqësuesen e Kosovës, por që janë aktivizuar më parë me kombëtare të tjera, vjen edhe përgjigja e organit më të lartë të futbollit botëror.
Nga ajo që pasqyron “Kosovan Football”, një lojtar që dëshiron të luajë për Kosovën duhet të paraqesë një letër-kërkesë në bashkëpunim me FFK’në, duke shprehur në të dëshirën për të luajtur me përfaqësuesen kosovare.
FIFA më pas do të shqyrtojë çdo kërkesë individualisht e do japë përgjigjen përfundimtare.
Njohja zyrtare dhe pranimi i Kosovës në FIFA e UEFA ka krijuar një situatë juridikisht të paqartë, pasi ka shumë lojtarë që aktivizohen në Kombëtare të tjera.
