Finalja e Ligës së Kampionëve mes Liverpoolit dhe Real Madridit është shtyrë për 15 minuta fillimisht, pastaj edhe 15 të tjerë, por duket se do të zgjatë edhe më shumë se kaq.
Ndeshja ishte planifikuar të niste në orën 21:00, por fillimisht ishte shtyrë deri në 21:15.
Incidentet jashtë stadiumit “Stade de France” janë arsye e shtyrjes, ku tani UEFA ka vendosur ta shtyjë ndeshjen deri në ora 21:30.
Tifozët nuk kanë mundur të futen në stadium për shkak të kaosit dhe UEFA ka vendosur që ndeshja të shtyhet për disa minuta. Lajmi është konfirmuar edhe nga të dyja klubet.
Janë mbi 100 mijë tifozë të Liverpoolit që kanë udhëtuar për në Paris, të cilët kanë krijuar rrëmujë në dalje.
UEFA ka shkruar fillimisht se ndeshja është shtyrë për arsye sigurie, ndërsa më vonë ka shkuar se do të njoftojë së shpejti për orën e fillimit.
Tashmë me shumë gjasë ndeshja do të fillojë në ora 21:36. /Telegrafi/
