Arsenali ka marrë vetëm një pikë në shtëpi, duke barazuar 2-2 me Crystal Palace në ndeshjen që u zhvillua në “Emirates”. Është natë për t’u harruar nga “Topçinjtë”, por edhe për kapitenin e tyre, Granit Xhaka.
Kur rezultati ishte 2-2, ashtu siç edhe përfundoi ndeshja, Granit Xhaka është larguar mes vërshëllimave nga fusha.
Unai Emery vendosi ta zëvendësoi në minutën e 61-të dhe kjo nuk i pëlqeu shqiptarit, që hodhi shiritin e kapitenit dhe edhe pse ekipi i tij po barazonte, nuk u largua me vrap nga fusha.
Komentatori i televizionit anglez ‘DAZN’, thotë “disa fansa po e duartrokasin Granit Xhakën”, por teksa ai ecte, vërshëllimat rriteshin.
Ai nuk u përmbajt dhe pas kësaj bënte më duar që të vërshëllejnë edhe më shumë, derisa shihet duke thënë ‘pir****”.
Xhaka i nervozuar ikën menjëherë në dhomat e zhveshjes dhe duket se marrëdhënia e tij me tifozët është prishur krejtësisht, pas vërshëllimave të shumta që ka marrë ndeshje pas ndeshje që në start të sezonit 2019/20, derisa shpesh është kontestuar edhe shiriti i kapitenit, nëse është i denjë apo jo.
Video:
Here’s Arsenal captain Granit Xhaka telling the home fans to ‘fuck off’ after being jeered while he is subbed off. #afc #arscry pic.twitter.com/nLb7LAVc4y
— Tom Carnduff (@TomC_22) October 27, 2019
