Tyson Fury ka hedhur poshtë “mallkimin” famëkeq të Drake pasi mposhti Deontay Wilderin në një luftë epike në Las Vegas.
Gypsy King ka mbrojtur titullin e tij në peshën e rëndë WBC pasi e rrëzoi amerikanin në raundin e 11 -të në një takim dinamik.
Dhe ndërsa Fury hyri në ring si favorit, kishte disa shqetësime pasi reperi Drake i dërgoi një mesazh mbështetjeje anglezit.
Këngëtari kanadez tha: “Kjo është një video për njeriun më ‘psiko’ që njoh. Ai është i çmendur në kokën e tij, por ai ka zemrën më të pastër, djali më i mirë. Gypsy King, njeriu më i frikshëm në boks”.
“Unë po të uroj fatin më të mirë këtë fundjavë, vëlla. Unë dua që ju thjesht të dilni atje dhe të vazhdoni trashëgiminë”.
“Bëni atë që bëni. Ne të gjithë ju duam sepse jeni vetvetja. Ju uroj më të mirat, gjithmonë. Do t’ju shoh në anën tjetër”, ka shtuar më tej reperi.
Ka pasur një numër të madh të atletëve që kanë dështuar në garimet e tyre pasi u fotografuan me Drake, përfshirë Anthony Joshuan, Conor McGregor dhe Serena Williams.
Pra, kishte një shqetësim të kuptueshëm nga tifozët e Furyt pas mesazhit mbështetës të Drake, por kampioni i peshave të rënda e përfundoi mallkimin me fitoren e tij të shfrenuar.
Dhe në Instagram, Gypsy King postoi një fotografi të tijen me këngëtarin: “Mallkim? Asgjë e tillë shoku”.
Fury u rrëzua dy herë në raundin e katërt nga Wilder, por vazhdoi të jepte goditje të jashtëzakonshme më pas, ndërsa Bronze Bomber tregoi qëndrueshmëri të jashtëzakonshme për të vazhduar luftën, por jo edhe në raundin e 11-të.
