Viti 2019 nuk shënon asnjë largim të ushtarëve nga komuniteti serb prej Forcës së Sigurisë së Kosovës, ata po i thonë PO shërbimit për Ushtrinë, transmeton Gazeta Metro.
Ministri i Mbrojtjes së Kosovës, Ibrahim Shala ka treguar se gjatë fushatës dhe presionit që bënte Serbia ndaj pjesëtarëve të komunitetit serb që ta zhvishnin uniformën e FSK-së ka pasur 80 largime.
Por, boshllëku i krijuar tash po plotësohet. Shala ka konfirmuar për Klan Kosova se në procesin e fundit rekrutues ka pasur shumë aplikantë nga komuniteti serb, por tash për tash kanë vendosur të mos e tregojnë numrin e tyre.
“Ka pasur aplikantë të komuniteteve pakicë. Numri i përgjithshëm ka qenë 174, prej tyre një numër i konsiderueshëm janë të komunitetit serb”.
Për Qeverinë e Kosovës largimet janë ndërprerë, pasi ‘është ngritur vetëdijesimi’. andaj edhe sot FSK është forcë më multietnike se përbërja etnike e Kosovës, duke pasur në rradhët e saj mbi 8 përqind të ushtarëve nga minoritetet./gazetametro.net
