Gjykata e Prizrenit ka vendosur para pak çastesh të sekuestroj pasuritë e ” Burdushit ” në vlerë 2 milion e 600 mijë Euro, deri në përfundim të gjykimit.
Vendimi është marrë sot nga gjykatësi Luan Berisha pas kërkesës së prokurorit të rastit.
Në ndërkohë ”Burdushi” ka mundësinë që gjatë zhvillimit të shqyrtimit gjyqëspr, të paraqesë fakte dhe prova materiale, për të dëshmuar që pasurinë e ka të fituar në mënyrë të ligjshme.
”Burdushi”, gjendet në masën e paraburgimit pasi që po dyshohet për kryerjen e 4 veprave penale atë të ushtrim të kundërligjshëm të veprimtarisë mjekësore, mashtrim, shmangje tatimi dhe mbajtja nën pronësi të paautorizuar të armëve. Pas arrestimi të tij prokuroria kishte sekuestruar pronat e tij në vlerë milionëshe ndërsa vendimi i sotëm i gjykatës ka ardhur pas kërkesës së prokurorisë.
Gjatë seancës gjyqësore Peqani ka thënë se pasurinë e ka krijuar me nderë dhe në rrugë ligjore ndërsa prokuroria ka paraqitur disa fakte duke thënë se të dhënat financiare nuk tregojnë burimin e pasurisë së krijuar./kallxo.com
