Kryeministri në detyrë, Ramush Haradinaj, ka reaguar në lidhje me ftesën e Gjykatës Speciale ndaj kryetarit të PDK-së, Kadri Veseli, shkruan GazetaBlic.
Ai përmes një postimi në Facebook ka thënë se Veseli do ta mbroj edhe këtë herë pastërtinë e luftës së UÇK-së me dinjitet.
Ndërsa shton se edhe kësaj here do të vërtetohet e vërteta dhe e drejta e Kosovës.
Postimi i plotë:
Kadri Veseli, si një nga udhëheqësit e Ushtrisë Çlirimtare të Kosovës ka luftuar kundër shtypjes dhe mizorive të Serbisë mbi popullin e Kosovës, si çdo luftëtar i lirisë, dhe do ta mbrojë pastërtinë e kësaj lufte me dinjitet. I bindur se edhe kësaj radhe do të ngadhënjejë e vërteta dhe e drejta jonë.