Vlora Çitaku: Nuk jam nënë, por kuptimin për jetën ma ndryshoi nipi

Vlora Çitaku tash e sa kohë është Ambasadore e Kosovës në Shtetet e Bashkuara të Amerikës.

Pos, angazhimeve diplomatike ajo është mjaft aktive edhe në rrjetet sociale, ku sjell fotografi dhe video të ndryshme edhe nga jeta private.

Nuk mungojnë as imazhet e nipit të saj, Arbërit, djali të së motrës së ish-ministres së Ministrisë së Integrimeve Evropiane.

E pikërisht djaloshi ia ka ndryshuar jetën dhe këtë e thotë Ambasadorja përmes llogarisë personale në Instagram.

Në fakt, ajo ka zgjedhur fjalët më të mira të mundshme për nipin që e ka ditëlindjen.

“E di…shpesh herë edhe kam qenë e bezdisshme. E bezdisshme për ju që ju kam miq virtual, po edhe për ata më të cilët shihem shpesh. Ua kam lodhë kokën për Arbërin. Besa, kokën ia kam lodhë edhe motrës, nënës së Arbërit “ thirrëm, FaceTime, Viber, foto, video “. Unë nuk jam nënë. Po mua Arbëri ma ka ndryshuar jetën. Ma ka pasuruar jetën. Mi ka ndryshuar dhe përmirësuar prioritetet. Për shkak të Arbërit, unë jam njeri më I mirë. Urime ditëlindja Arbër. Gëzimi im i parë. Tezja të kërkon falje që nuk është me ty. E festojmë bashkë Vitin e Ri. Të dua sa ma nuk ka.”, ka shkruar Vlora në Instagram.

Ndryshe, Vlorën do ta shohim sërish në sesione të ndryshme të Këshillit të Sigurimit të OKB-së.

PËRGJIGJU

Please enter your comment!
Please enter your name here