Presidenti i Serbisë, Aleksandar Vuçiq, i tha Prishtinës dhe gjithë të tjerëve se shteti i Serbisë nuk do t’u dorëzohet atyre në pjatë, ashtu siç do të donin dhe se Serbia është e popullit serb, transmeton InfoShqip.
“Ne duhet ta shpëtojmë vendin, do të arrijmë të tërheqim investime dhe të rrisim PBB-në dhe pagat e pensionet dhe të rrisim standardin e jetesës, por duhet ta shpëtojmë vendin tonë”, tha Vuçiq në Kongresin e SNS-së.
Ai thotë se ditëve të kaluara shihet shumë e palogjikshme për ngjarjet në Kosovë.
“Këta miqtë dhe partnerët tanë perëndimorë thonë se Prishtina e ka de-përshkallëzuar konfliktin pasi i shtynë zgjedhjet dhe vetëm 15 orë para se të vinin me tuba të gjata për të pushtuar katër lokalet e komisioneve komunale zgjedhore në veri të Kosovës. 15 orë më parë ata nuk e dinin se çfarë do të bënin”, tha Vuçiq.
Ai ka theksuar se autoritetet e Prishtinës po i arrestojnë dhe po i ngacmojnë serbët dhe thonë se po punojnë për deeskalim. Dhe pastaj në mëngjes e arrestuan Srdjan Trajkoviqin, kinse e akuzuan për krime lufte, edhe pse ka punuar në Policinë e Kosovës për gati nëntë vjet, dhe tani nuk kontakton me familjen e tij dhe nuk merr ilaçe, tha Vuçiq.
“Ne nuk do t’ju japim shtetin e Serbisë për asgjë në botë, mos e ëndërroni, nuk do ta merrni kurrë, shteti i Serbisë është i qytetarëve të saj dhe i këtij kombi”, tha Vuçiq./InfoShqip.com
