Dy tërmete të njëpasnjëshme kanë goditur Kosovën para pak minutash.
Tërmeti i parë me epiqendër në Leposaviq ka arritur fuqinë 4.3 të shkallës së rihterit.
Rreth 2 minuta më vonë, Kosova është goditur nga tërmeti i dytë i cili kishte fuqinë 3.8 shkallë të rihterit me epiqendër pothuajse të njëjtë në veri të Kosovës.
Lëkundjet e këtyre dy tërmeteve janë ndjerë në Kosovë, Serbi dhe Shqipëri, derisa lëkundjet më të forta janë ndjerë në Mitrovicë.
