Procesi zgjedhor në Shqipëri vazhdon të bëjë jehonë në mediat fqinje. Ditën e sotme, një nga mediat greke i ka kushtuar një artikull numërimit të votave. Në të thuhet se Edi Rama është në avantazh nga të dhënat e para nga numërimi i votave që është në progress.
“Procesi zgjedhor përfundoi të dielën në mbrëmje dhe rezultatet zyrtare pritet të shpallen rreth 48 orë pas mbylljes së votimit.
Numërimi i 20% të fletëve të votimit i dha Partisë Socialiste në pushtet një epërsi prej 50% mbi 38.3% të Opozitës së Bashkuar të udhëhequr nga Partia Demokratike dhe 7.1% e Lëvizjes Socialiste të Integrimit. Sidoqoftë, për vëzhguesit e zgjedhjeve, asgjë nuk është gjykuar, duke theksuar se numërimi i votave filloi nga sondazhet në zonat elektorale ku Partia Socialiste tradicionalisht dominon”.
Më tej, në artikull thuhet se Partia Socialiste kryeson në Jug, ndërsa opozita në Veri.
“Në një lexim të parë, ndikimet e forta politike, gjeografikisht, ruhen në vend, me Partinë Socialiste duke kryesuar në Jug ndërsa opozita në Veri.
Në çdo rast, rezultatet e deritanishme zbutin entuziazmin nga nata e kaluar e opozitës për fitoren e saj në zgjedhje, por mbetet të numërohen fletët e votimit në qendrat kryesore urbane, ku hendeku pritet të mbyllet. I gjithë procesi i numërimit zhvillohet në një atmosferë të qetë”- shkruan në artikull.
